🧠1992 оноос эхлэн Дэлхийн Сэтгэцийн Эрүүл Мэндийн байгууллагаас 10-р сарын 10-ны өдрийг сэтгэцийн эрүүл мэндийн өдөр болгон зохион байгуулж ирсэн. Өнөөдөр өөрийн болон бусдын сэтгэцийн эрүүл мэндэд анхаарч: ✅ Сонсож, ойлгож, дэмжих ✅ Сэтгэлээ илэрхийлэх ✅ Тусламж хэрэгтэй үедээ мэргэжлийн хүнд хандах нь хамгийн зөв алхам юм. 🌱 Сэтгэцийн эрүүл мэндээ хэрхэн дэмжих вэ: 🛌 Бүтэн нойр авах – 7-9 цаг 🏃‍♂️ Тогтмол дасгал хийх – өдөрт 20-30 минут 💬 Сэтгэлээ уудлах – өдөр бүр ярилцах 🧘 Тайвшрах – стрессдэх бүрт 🍎 Эрүүл хооллох – өдөрт 3-4 удаа 🎵 Стрессээ тайлах – дуртай зүйлээ хийх, хөгжим сонсох 😴 Биеэ амраах – ядарсан үедээ 😄 Инээж баясах, дуртай зүйлээ хийх 🚭 Хорт зуршлаас хол байх 🕰 Одоо цагт амьдрах, талархах ❤️ Сэтгэл хөдлөлөө зохицуулах Биеийн болон сэтгэл зүйн эрүүл мэнд нь салшгүй холбоотой. Бие өвдөхөд эмчид ханддаг шиг сэтгэл санааны асуудал гарвал анзаарах, дэмжлэг авах нь чухал. Энэ нь амьдралын чанарыг сайжруулж, сэтгэл санааг тогтвортой болгоно. ☘️✨ Үргэлж бие биедээ дэмжлэг, хүндэтгэл үзүүлж, эерэг харилцаагаар амьдралынхаа чанарыг сайжруулж сэтгэл санаа, бие махбодоо хайрлаж, өөртөө болон бусдад эерэг байхыг хүсье🧡💚

🌟 НҮБ-ын Ерөнхий ассамблей 2012 оноос эхлэн жил бүрийн аравдугаар сарын 11-ний өдрийг Олон улсын охидын өдөр болгон тунхагласан. 🌎 Дэлхийн 193 оронд энэ өдрийг “Олон улсын охидын өдөр” буюу “Олон улсын охидын эрхийг хамгаалах өдөр” болгон тэмдэглэдэг билээ. 👧🥰 Охидын өдрийг тохиолдуулан дүүргийн цэцэрлэгүүдийн сэтгэл зүйч нар "Оюуны-Эрин" сургуулийн Охидын зөвлөлийн гишүүдтэй хамтран, тэднийг чадавхжуулан “Миний бие- Минийх” сэдвээр сургалтыг цэцэрлэгийн бяцхан багачууддаа зохион байгуулахад бэлэн боллоо. 🎊🎊 10 дугаар сарын 10-ны Баасан гарагт Багануур дүүргийн 11 цэцэрлэгт 10:11 минутад нэгэн зэрэг эхлэх болно. Дэлгэрэнгүй мэдээлэл авах: Хүүхэд, гэр бүлийн асуудал хариуцсан мэргэжилтэн Э.Хонгорзул Утас: 70212020

ХҮҮХЭДХАЙРИРЭЭДҮЙ ❤️🎊 🎊 Монгол Улсад Хүүхдийн байгууллага, хөдөлгөөн үүсэж хөгжсөний 100 жилийн ойг тохиолдуулан Багануур дүүргийн хүүхэд, өсвөр үеийнхэн анх удаа НЭГ жилийн турш авьяас чадвар, хурц ухаан, оюуны цараараа өрсөлдөж аваргаа шалгаруулах "ОЮУН-ЛАГ" лигийн бүртгэл хаагдаж, эхлэхэд бэлэн боллоо.👏 🏆 Сар бүрийн турш өөр, өөр төрлөөр өрсөлдөх тус лигийн нээлтийн үйл ажиллагаа 2025.10.13-ны өдөр зохион байгуулагдах ба тун удахгүй оролцох багуудын танилцуулгыг хүргэх болно. Дэлгэрэнгүй мэдээлэл авах: Хүүхэд, гэр бүлийн асуудал хариуцсан мэргэжилтэн Г.Ууганжаргал Утас: 70210108

Багануур дүүргийн Хүүхэд, гэр бүлийн хөгжил, хамгааллын хэлтэст 2024 онд хүмүүжлийн чанартай албадлагын арга хэмжээ авагдсан 14 хүүхэд зан үйл засах сургалтад хамрагдсан бол 2025 оны 1 дүгээр улирлын байдлаар 10 хүүхэд сургалтад хамрагдаж байна. Тус хүүхдүүдийг Эрүүл мэндийн төвтэй хамтран урьдчилан сэргийлэх дараах үзлэгт хамрууллаа. 1. Өсвөр үеийн эмчийн зөвлөгөө 2. Амны хөндийн үзлэг 3. БЗХӨ/ДОХ 4. Эрэгтэйчүүдийн эмчийн үзлэг 5. Цусны дэлгэрэнгүй шинжилгээ 6. Шээсний ерөнхий шинжилгээ 7. Хэвлийн эхо 8. Эмэгтэйчүүдийн эмчийн үзлэг Цаашид шүдний эмчилгээ шаардлагатай 8 хүүхдийг эмчилгээнд хамруулж байна. Хамтран ажилласан Эрүүл мэндийн төв, Нийгмийн эрүүл мэндийн төвийн хамт олонд баярлалаа.